Friday, May 7, 2021

太古中菜推薦:馳名酸菜魚、 片皮鴨 ~ 金公館


自從搬咗去東區之後, 成日都會留意有咩好嘅太古中菜館比較出名
朋友就介紹我到康怡廣場呢間有齊京粵川中菜嘅太古中菜館─金公館
去食最出名嘅酸菜魚同片皮鴨




嚟到數一數二嘅酸菜魚太古中菜館
酸菜魚當然係必點

當中所用嘅酸菜係來自四川成都嘅傳統老壇醃制酸菜,
用原汁母水,秘制香料
古法埋壇,恒溫恒濕的環境下醃制
由新鮮菜至醃制一定要20至30天先採用
酸菜無筋爽脆, 入味可口






滑嫩魚肉吸收晒湯汁精華,
酸辣開胃,惹味非常
個底仲有煙韌寬粉,令味道同口感都更多層次!





金公館太古中菜另一招牌菜就係我最愛嘅片皮鴨啦~~
估唔到上檯時仲係熱辣辣嘅
同埋新鮮配菜&醬料都好多呀~





原來師傅會撇走鴨皮中間嘅油脂
夾起見到每一片都係香脆鴨皮同埋油香豐富而不油膩嘅鴨肉
咁就食多幾件都唔怕肥啦



配料除咗有經常見到嘅青瓜條、京蔥絲、西芹絲嚟增加口感
驚喜嘅係連蜜瓜條都有, 夾埋一齊食又有另一風味!



非常推薦金公館太古中菜呢份足料好飲嘅杏汁白肺湯
每啖都係骨膠原同香濃杏汁
屋企煲呢款湯水太麻煩, 行開黎太古必點!





呢碟集麻辣、鮮香、嫩爽於一身嘅口水雞
入口香中帶麻,雞肉嫩滑
好味到令人口水直流










金公館太古中菜裝潢走高級版小菜館路缐
侍應服務周到
無論係朋友聚會或家庭飯局都非常適合







非常推薦金公館呢間太古中菜
係太古站A2出口行5分鐘就到啦




金公館 (康怡廣場)
太古康山道1-2號康怡廣場3樓T4號舖

No comments:

Post a Comment