Wednesday, July 25, 2018

2018 挪亞方舟暑假呈獻「職業特工大本營」


見其他媽媽帶過小朋友去台灣, 日本, 泰國等地方玩職業角色扮演
我都好想帶DORIAN去玩

今個暑假係香港挪亞方舟都有得玩啦~~
仲一次過推出8大職業
包括精明飛機師以及智勇消防員等等
等DORIAN著返件醒目制服,變身成暑假小特工
同大家介紹下啦~






我諗係男仔都幻想過自己做消防員
DORIAN 可以夢想成真嚕~

其實唔止著件衫就咁玩㗎
小朋友要首先了解消防員的日常工作及防火知識

例如係火場應該點樣行, 應該攞D咩必需品走, 如果身上有火應該點樣做
都有詳細講解, 令小朋友遊玩中學習!





仲可以親身穿越模擬火警現場的煙霧體驗區接受挑戰,
衝破重重煙霧勇救火場中嘅災民 (家長都要角色扮演災民XD)
增強佢哋嘅毅力及合作精神。





最後記得影下制服相, 係唔係好搞笑呢~XD





另一個必玩嘅就係「飛凡機師訓練中心」工作坊
內容由著名的本地飛行學校Aero Institute策劃
由真民航機師的導師,講授飛機師的日常生活及專業術語



小朋友置身模擬駕駛艙接受飛行訓練,
操作飛行模擬儀器,嘗試控制飛機升降
增進飛行知識,實現飛行夢!



工作坊導師都係真機師嚟㗎!

DORIAN著起制服都好有氣勢好有型呀~(媽媽病發作)





學完飛行知識,
一定要去埋「機艙服務員培訓學校」體驗空中服務員日常工作,
包括作出逃生安全指示及派送餐點等,感受於天際工作的樂趣,
增進應變、急救、禮儀等知識以及提升溝通技巧。

捧餐都要學埋㗎~仲要講:請慢用!




呢兩位空少笑容可掬
一定合格啦!





究竟中醫是一門甚麼的學問呢?
嚟到小小仁醫中藥堂,小朋友可認識中醫的診治方法以及常見的中藥材,了解其價值及用處
媽媽都唔太孰, 可以從中學習埋添!




小朋友變身小小中醫師,按照藥方配藥,
一齊TEAMWORK做咗個最近都好有需要嘅防蚊包!





警隊小先鋒學堂都有招募活動
小朋友可以喺度接受射擊訓練,當一個智勇雙全、除暴安良的警員,
考驗身手及眼界,並培養紀律性及責任感。






係樂園建築師事務所
DORIAN成為小小建築師,發揮創意及想像力,利用精美的K’nex 模型建構模擬的遊樂設施,創造一個獨一無二的理想樂園




DORIAN 都係第一次接觸 K’nex 模型
睇落複雜, 但估唔到小朋友咁快上手
自己一手一腳砌咗個海盜船出嚟!





到底外太空的環境是怎樣呢?
去到飛越太空基地可以學習先進的航天知識及太空科學



教學之餘仲整咗個STEM小勞作添



其實仲有個極速賽車訓練場可以比小朋友充當小車手
不過因為天雨關係, 怕危險所以無玩到

所有活動於開始前指定時間派籌,名額有限,先到先得,額滿即止。
大家可以睇下時間表, 安排好時間再去攞籌嚕~
https://www.noahsark.com.hk/tra/pdf/se-timetable.pdf





一般條款及細則:

l   「職業特工大本營」」之活動日期為2018714日至826(逢星期六及日);

l   凡於挪亞方舟正門票務處/挪亞方舟網上訂票平台或於旺角新世紀廣場1樓商場顧客服務中心購買或換領入場票並為11歲以下之兒童,均獲派「工作日誌」以茲識別,並可免費參加以上活動;

l   以上活動於活動開始前指定時間派籌,名額有限,先到先得,額滿即止。一切以場內指示及安排為準;

l   每位持有有效挪亞FUNCLUB會員證之會員,於活動當日可攜帶一位11歲或以下之小朋友優先參加指定活動,活動預設予挪亞FUNCLUB之名額有限,以當日先到先得方式分配,額滿即止;詳情及安排請參閱各項活動之在場指示;

l   每名排隊人士不能替代別人排隊,亦不允許以個人物品以佔據排隊位置;

l   各位排隊人士須遵守秩序,請勿插隊;

l   已取活動籌號之人士須於該活動之指定地點準時出現,否則參加名額會被取消;

l   以上各活動可能因天氣或臨時活動等突發因素而更改或取消,並以場內指示及安排為準;活動如有更改,恕不另行通知;

l   所有活動均以廣東話講解為主;

如有任何爭議,馬灣公園有限公司保留一切最終決定權。



關於香港挪亞方舟
全球首個根據遠古記載,以1比1體積建造而成的挪亞方舟主題公園,坐落於寧靜宜人的馬灣島上,擁覽青馬大橋及藍巴勒海峽的壯麗景色,遠離俗世繁囂。結合玩樂、遊學和環保於一體,並透過一系列多元化設施及活動,如方舟花園、方舟博覽館、珍愛地球館、方舟生命教育館及太陽館,積極宣揚愛與和諧,建立社會正面價值觀;亦為全球旅客帶來旅遊新體驗





contact me at chinxchin@yahoo.com
Dorian B 分享小站


No comments:

Post a Comment