Wednesday, April 4, 2018

2018 CARNIVALE OF STARS 「迪士尼巨星嘉年華」

剛過去嘅復活節天氣好到爆炸
趁放假更係帶 Dorian去到 迪士尼樂園 Easter egg hunt下
順便感受春天氣色, 影下靚相~~~




一入到去就見到好靚嘅花園
仲有小鹿斑比、小灰免大腳同埋花花玩捉迷藏
仲有POOH POOH 同朋友仔一齊野餐添
超級可愛!


仲有差唔多近百隻 Easter egg 花蛋
Dorian 一見到就話要同佢地集郵~



呢度應該係香港最多Easter egg 嘅集中地XD


嚟親迪士尼都要睇花車巡禮
呢家米奇同朋友仔都換哂花花春裝
一齊迎接春天到來



因為實在太靚太好睇
我掛住睇佢地唔得閒影相
大家一定要入園現場感受歡樂氣氛呀


記得要去埋全新嘅「加利布尼市集」
入面有小遊戲、特色小食及獨家精品



攤位遊戲$50/次
DORIAN 符符碌碌咁都贏咗隻公仔返嚟, 幾叻仔


係加利布尼市集仲可以碰碰運氣
睇下會唔會撞到迪士尼卡通人物合照
我地剛好見到 史迪仔 STITCH 同妮露






Carl & Russell
運氣都唔錯喎~~







仲有 MOANA 慕安娜
不過 DORIAN 唔鍾意同女仔影相
所以笑容有D僵硬XD





最開心應該就係可以同新歡 黑豹 BlackPanther 合照啦
佢地仲吱吱斟傾咗陣計添, 唔知佢地講咩講得咁入神呢~


DORIAN 每次入園都要玩IRONMAN同SPACE MOUNTAIN




SPACE MOUNTAIN 係一定最少玩3次, 媽媽玩到好暈囉XD





其實絕地聖殿武士特訓都玩過好多次
不過DORIAN話好鍾意做小武士去對抗Darth Vader
記得提早去明日世界中的太空驛站招募處登記就有得玩㗎啦~




中途食少少嘢休息下~~
個IRONMAN套餐超大份, 完全食唔晒!


就算唔係玩機動遊戲, 園內都有好多影相位
除咗帶小朋友嚟, 都係一個拍拖聖地呢~



入到園點都要shopping買下手信....







我入手咗套可愛嘅 Duffy 同 ShellieMay嘅枕頭套,
仲帶咗幾隻cutie 復活節版 tsumtsum返屋企添





難得留守到最後, 更係要睇埋全新嘅 “We Love Mickey! ” 大街投影盛演先捨得走la


天光玩到天黑,每次入迪士尼都係奇妙旅程~




contact me at chinxchin@yahoo.com

Dorian B 分享小站


No comments:

Post a Comment